प्रेरणास्थान व व्यवस्थापन

अतिशय प्रतिकूल परिस्थितीतून मार्ग काढत, वयाच्या ८ व्या वर्षापासून परमार्थाची वाट चालणाऱ्या गोकुळ महाराजांनी आपले संपूर्ण आयुष्य अनाथ व उपेक्षित घटकांच्या कल्याणासाठी वाहिले. जोग महाराज वारकरी शिक्षण संस्थेतून आध्यात्मिक शिक्षण पूर्ण केल्यानंतर त्यांनी गरीब व गरजू मुलांसाठी आळंदी व पंढरपूर येथे वारकरी शिक्षणाचा पाया रचला. २५ ऑक्टोबर २०१८ रोजी त्यांनी देह ठेवला; मात्र त्यांचे विचार व हे पवित्र कार्य संस्थेच्या माध्यमातून निरंतर सुरू आहे.